كانت فى مقوله بتقول ( لا كرامة لنبي في بلده)و تحولت هذه المقولة الى لا كرامة لمصري فى بلده و المصيبة الاكبر انها مع الايام تحولت الى لا كرامة لمصرى فى بلده و لا بره بلده و يا ترى العيب فينا كمصرين و لا العيب فى الحكومة اللى المفروض انها تحافظ على كرامة المواطن و يا ريت اللى يعرف السبب يبقى يقولى ؟؟؟
زل المصرى فى بلده و بره بلده خلاص بقى واقع ملموس لكل واحد فينا و الحكومة المصرية قاعده بتتفرج و لا حياة لمن تنادى . مروة الشربينى اتقتلت فى المانيا و جوه المحكمة و لا حد فى الحكومة فتح بقه ياترى لو كان حصل العكس و اتقتل المانى فى مصر كانت المانيا سكتت و لا خلاص بقى دم المصرى رخيص .
اهانة السادات فى فيلم امريكى وتسمية كلب باسم السادات و صلت للدرجة ده فين الحكومة فين وزارة الخارجية .
اهانة المصريين فى ليبيا و اعدام المصريين فى ليبيا رغم دفع الدية على حسب القانون الليبى
فين الحكومة المصرية فى الكلام ده كله فين وزارة الخارجية فين السفارات المصرية
و لا السفارات المصرية رفعت شعار لا كرامة لمصرى فى سفارة بلده
لازم من وقفة مصريه